Gedigte uit my hangkas

Eendag …. Eendag …. Verkieslik vandag

 

Soms wonder ek hoe ander mense rustig gaan slaap, of hulle ooit wakker le en dink aan hoe hulle iemand anders se hart verniel.

Soms wonder ek of ander mense omgee dat hulle ander stukkend laat … diep in die siel …

Soms wonder ek of ek weer al die stukkies van my gebreekte hart gaan kan optel

Soms wonder ek of mens superglue vir die siel kan kry

Soms wonder ek of mens ooit sal ophou gly … gly tot heel onder

Soms wonder ek of dit waarlik die moeite werd is om weer orent te sukkel

Om later deur dieselfde mens vir dieselfde rede net weer onderste bo te plunder

 

Broken Promises, versinne ure vermors

Vermors deur te wag  …. wag aangevuur deur die vlammetjie van hoop

Hoop op die gedagte dat jy iewers belangrik is

Hoop op die gedagte dat jy iewers geld

Hoop op die gedagte dat jy iewers iets beteken

Hoop op die gedagte dat jy iewers ….. iewers … iewers

 

Eendag …. eendag ….. verkieslik vandag ….

Met oogklappe vermorsel en die teleurstelling nog tasbaar

Eendag … eendag …… verkieslik vandag

Met ‘n braafheid wat die vrees vir konflik sal aanvaar

Eendag … eendag …… verkieslik vandag

Met die vrees om my beste pel vir goed te laat gaan

Eendag … eendag …… verkieslik vandag

Met die wete dat daar tog iemand sal wees wat hierdie leemte vul … of miskien nog gaan

Eendag … eendag …… verkieslik vandag

Gaan die telke male van verspeelde ure van wag einde se kant toe staan

Eendag … eendag …… verkieslik vandag

Met woorde uit ‘n vernielde hart … gaan ek jou maak verstaan …..

 

Dat ek iemand is wat die moeite werd is

Dat ek iemand is wat belangrik is

Dat ek iemand is wat geld

Dat ek iemand is wat vir ander iets beteken

Dat ek iemand is wat sterk genoeg is om jou te laat gaan

 

Jou te laat gaan om my tyd te gun om heel te word

Jou te laat gaan dat jy happiness kan soek

Jou te laat gaan …. net te laat gaan …. te laat gaan

 

*********************************************

 

My Siel smag na U o Heer

 

My siel smag na U o Heer

My hart wat in angs na U uitskree

My gees roep na U keer op keer

My vrees om verandering na te streef

 

Ek struikel en ek val

My eie wil hang aan die galg

Die ewige stryd teen myself

Gedwonge, eenpartydig

U hand wat my dra in die lyding

Aan die einde skyn U lig

 

My siel smag na U o Heer

My hart wat in angs na U uitskree

My gees roep na U keer op keer

My vrees om verandering na te streef

 

Vorm my en maak my

Soos ‘n pottebakker en klei

Na U volmaakte skynbeeld,

U saligheid in my uitgebeeld

Help my in my daaglikse stryd

Om myself neer te le in die kruit

*******************************************

Seisoene

 Rondom my sneeu dit herfsblare

Die voorstoep le bedek in rooi en geel gekleur

Die wind ruk-ruk aan die naakte boomtakke

Die vlaktes le leeg en dor

Groenigheid is deur die weer verdor

 

Die eenstemmigheid met die lewe en die siel

‘n Seisoen wat die hart verniel

Waar die herhindering van hartseer en pyn

Deur gevoelens en dade uitbasyn

 

Winde waai die samelewewing deurmekaar

Mense vat plek-plek grond en loer onderlangs vir mekaar

Eensaamheid prominent in die gejaagdheid van dit als

“Mense verhoudings”, ‘n begrip wat saam met die wind vergans

 

Daarop eenvolglik die koue winter maande

Waar die wereld plek-plek onder die vermoordende sneeu verkluim

Alles ge-isoleerd soos die wysvinger van die duim

Wesentjies toegewikkel in lae en lae bekledings

Beskermend teen die indringende koue rillings

 

Die eensaamheid van al die lae wat as beskerming dien om jou hart

Vereenselwig die gevoel van totale verlating

Beklemtoon die yskoue gevoel wat broei

Diep in die donkerste kamer van jou siel

Die ongenadelike dood wat moet geskied voor lewe voort spruit

 

Die bloeisels wat die wereld opnuut verkleur

Die einde tot niet mee gesleur

Soos ‘n reenboog die finaliteit van ‘n storm reen

Die boodskap van nuwe lewe en seen

 

aka Somber Sarie


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s

 
%d bloggers like this: